Akademik Veri Yönetim Sistemi
50. Uluslararası Makedon Dili, Edebiyatı ve Kültürü Bilim Konferansı, Ohrid, Makedonya, 1 - 03 Eylül 2023
Апстракт: Како што е познато, пословиците, како кратки јазични
форми преку кои се пренесува вековната мудрост на еден народ, заземаат важно
место во јазикот. Голем број запишувачи ги собирале како фолклорен материјал.
Често, кај различни народи
се среќаваат исти или слични пословици. Притоа, некои пословици настануваат
независно, во одделна земја, но некои се пренесуваат и „се преземаат“. Пословиците
можат да се појават и во варијанти.
Од друга страна, антонимијата претставува јазична
универзалија, која се дефинира како лексичко-семантичка, односно семантичка
категорија, базирана на спротивните значења на две единици. Основата на
антонимијата ја прават спротивни поими и тоа во поглед на некоја особеност или
насоченост, како на пример: бел – црн,
голем – мал, тежок - лесен итн.
Темата на овој труд ќе се движи
во рамките на анализа на некои антонимни врски во пословици од
македонскиот и од турскиот јазик, чија цел, без тенденција на исцрпност, е да се покажат антомимните врски
што можат да се најдат во пословиците во македонскиот и во турскиот јазик.
Методот на истражување е методот
на преглед и користење соодветна литература, теоретска и практична анализа на
пословиците во македонскиот и во турскиот јазик и нивна споредба.
Клучни зборови: пословици,
антонимија, споредбена анализа.